aaerop 730x440 1530604533 81002631 560x347 - Zbulohet vjedhja dhe dëmtimi që iu bë Aeroportit të Gjakovës

Një kabllo rreth 600 metra e gjatë, me katër fije, është vjedhur dhe dëmtuar gjatë vitit të kaluar brenda Aeroportit të Gjakovës, ka gjetur Zyra Kombëtare e Auditimit në një raport të realizuar mbi funksionimin ndërmarrjes për vitin 2017.
Në raportin e publikuar gjatë javës së shkuar, Auditori Gjeneral ka theksuar se vjedhja dhe dëmtimi i aeroportit ka ndodhur për shkak të kontrollit të pamjaftueshëm në ruajtjen dhe sigurimin e aseteve.

“Sipas nenit 8 të statutit, Aeroportit është përgjegjës për pronësinë, asetet, pasurinë, menaxhimin, operimin dhe mirëmbajtjen e ndërmarrjes dhe duhet të nxjerrë rregullore që përmbajnë dispozita për administrimin dhe funksionimin e ndërmarrjes. Aeroporti nuk kishte nxjerrë rregullore për menaxhimin dhe ruajtjen e pasurive nga humbjet dhe dëmtimi i tyre”, thuhet në raportin e Auditorit Gjeneral.

“Bazuar në raportet e menaxhmentit ne kemi vërejtur që kishin ndodhur vjedhje dhe dëmtime të aseteve (600 metra kabllo me katër fije) që ishin në posedim të Aeroportit. Kjo për shkak të masave të pamjaftueshme të kontrollit të brendshme në ruajtjen dhe sigurimin e aseteve të Aeroportit”, thuhet në raport.

Auditori i Përgjithshëm ka sugjeruar kryesuesin e Bordit të Aeroportit të Gjakovës që t’i ruajë pasuritë dhe asetet e institucionit.

“Kryesuesi i Bordit duhet të sigurojë së Aeroporti ka hartuar dhe miratuar një rregullore për menaxhimin dhe mbikëqyrjen e pasurive dhe hapësirave të Aeroportit, që të arrihet mirë menaxhimi i pasurive dhe mbrojtja nga humbja dhe dëmtimi i tyre”, ka thënë Zyra e Auditorit.

Aeroporti i Gjakovës është jofunksional, megjithëse ka dhjetëra të punësuar dhe një bord që supozohet të mbikëqyrë punën e tyre.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.