Dy futbollistë të Vëllazërimit të Kërçovës sezonin e ri do të luajnë në Superligën e Kosovës me fanellën e Ferizajit.
Fjala është për Armend Aliun dhe Hajradin Cuculin, të cilët siç mëson ‘infOSport.mk’ me skuadrën kosovare kanë nënshkruar kontrata deri në fund të sezonit 2018/2019.
Rikujtojmë përveç këtyre dy futbollistëve, nga Maqedonia skuadrës së Ferizajit iu bashkuan edhe dy shkupjanët, Husein Demiri dhe Burhan Mustafa.
Që të dy në të kaluarën ishin pjesë e FC Shkupit, ndërsa Ferizajit iu bashkuan nga dy skuadra të ndryshme, por që në transferimin e tyre rolin e menaxherit e luajti kërçovari, Luan Dauti.
Sulmuesi Demiri së fundmi luante në Finlandë me skuadrën e PS Kemi, teksa gardiani Mustafa te Ferizaji u transferua nga rradhët e Borecit.
