Apple ka njoftuar se do të lansojë sistemin e saj të fundit operativ iOS 16, më 12 shtator. Kompania së pari njoftoi azhurnimin falas në qershorin e kaluar gjatë “Konferencës së Zhvilluesve në Mbarë Botën 2022” dhe lëshoi një beta publike në korrik. (Fatkeqësisht, lansimi i iPadOS 16 është vonuar pavarësisht nga fakti se, tradicionalisht, të dy sistemet operative lëshohen së bashku.)
Si rezultat, bollëku i veçorive që do të vijë me përditësimin nuk do të jetë shumë befasues, transmeton Telegrafi.
Veçoritë fillojnë me një sërë përmirësimesh në ekranin e kyçjes, duke përfshirë aftësinë për të shtuar mini-aplikacione dhe për personalizuar pamjen dhe një mënyrë të re të paraqitjes së njoftimeve.
Ju do të jeni në gjendje të modifikoni dhe rikujtoni mesazhet e dërguara (me disa kufizime), të përdorni Bibliotekën e re të Fotografive të Përbashkëta iCloud për të ndarë fotot me familjen tuaj.
Sistemi i ri operativ është në kohën e duhur për t’u prezantuar së bashku me iPhone-ët më të fundit të Apple, iPhone 14 Pro dhe Pro Max, të cilët do të jenë të disponueshëm për para-porosi më 9 shtator dhe në dispozicion në dyqane më 16 shtator.
Ndërkohë, nëse nuk ishit të gatshëm të instaloni një version beta të iOS 16 në iPhone-in tuaj ekzistues – është sepse, në fund të fundit, versionet beta janë zyrtarisht të papërfunduara – nuk do të duhet të prisni gjatë për të përfituar nga këto përmirësime.
