Mbledhja e përbashkët në mes të Qeverisë së Kosovës dhe asaj të Maqedonisë pritet të mbahet së shpejti. Kështu ka bërë më dije për gazetën “Epoka e re”, zëvendëskryeministri Enver Hoxhaj.
Ai ka treguar se në këtë mbledhje pritet të nënshkruhen 15 marrëveshje të cilat i përkasin fushës së drejtësisë, sigurisë, shëndetësisë dhe ekonomisë.
Analistët politikë Blerim Reka dhe Imer Mushkolaj kanë mirëpritur mbajtjen e kësaj mbledhje, por kanë kërkuar zbatimin e marrëveshjeve të arritura.
