Rulota e quajtur Romotow ka fituar vëmendjen e inovatorëve, për faktin se me vetëm një buton mund të rrotullohet dhe të shndërrohet në një shtëpi me tarracë të madhe.
Rulota është dizajnuar nga kompania W2 me seli në Zelandën e Re, të cilëve u janë dashur gjashtë vite që të prezantojnë këtë projekt të shumëpritur, transmeton Telegrafi.
Kompania shpreson se rulotën do ta nxjerrë në shitje në vitin 2020 me një çmim prej 350 mijë dollarë. Ndërkaq në kabinë gjendet dhoma e gjumit për dy të rritur, dhoma e pritjes e tavolina gjigante me kuzhinë që mund të shndërrohet në një dhomë që akomodon dy mysafirë.
Brenda saj është ndërtuar edhe tualeti, si dhe kur kjo rulotë sillet krijohet hapësira e madhe për tarracë për të shijuar rrezet e diellit gjatë verës.
Fal paneleve solare të vendosura në kulm ajo furnizohet me energji të pastër, që i mundëson banorëve të kyçin pothuajse të gjitha pajisjet shtëpiake.
