Kryetari i Komunës së Ferizajt, Agim Aliu ka ngushëlluar familjarët dhe miqtë e Genc Sopës, i cili ndërroi jetë si pasojë e lëndimeve trupore që pati nga shpërthimi i bombolës në restorantit ‘Steak House’.
Aliu tha se me dhimbje të madhe ka pranuar lajmin për ndarjen e hershme nga jeta e Genc Sopës, derisa shtoi se fjalët janë të varfërta për të shprehur këtë dhimbje.
Agim Aliu shtoi se vdekja e Gencit i ka pikëlluar të gjithë thellësisht.
TELEGRAM NGUSHËLLIMI
Me dhembje të madhe, mora lajmin për ndarjen e hershme nga jeta të pronarit të restaurantit “Steakhouse”, të lënduar rëndë nga shpërthimi i bombolës së gazit këtë fillimvit, Genc Sopa.
Me gjithë përpjekjet e jashtëzakonshme të mjekëve, solidaritetin qytetar, përpjekjet institucionale, Genci na dha lamtumirën, duke na pikëlluar thellësisht.
Genc, pusho në paqen e paskajshme! Ferizaj humbi një qytetar të vyer, një ndërmarrës të suksesshëm, një shpirt fisnik e një mik gjithmonë te qeshur. Fjalët janë të varfra të shprehin dhembjen. Mbahuni të fortë familje e nderuar Sopa, miq e të njohur të të ndjerit.
Dritë pastë shpirti i tij i pastër!
Ngushëllime të sinqerta!.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.