w 39 560x416 - Agim Aliu ndihet keq për mungesën e produkteve higjienike në QKMF në Ferizaj

Pamjet e mungesës së deterxhentit e sapunit në Qendrën Kryesore të Mjekësisë Familjare në Ferizajt e kanë befasuar Kryetarin e Komunës, Agim Aliu.

Aliu i ftuar në debatin “Jeta në Komunë” u përball me gjetje e hulumtimit për Komunën e Ferizajt.

Ai tha se nuk ndihet mirë në lidhje me gjendjen e QKMF-së dhe tha se do të kërkojë llogari tek personat përgjegjës për këtë pakujdesi.

“Nuk është e komplikuar (të vendosim sapunë në banjo) më erdhi keq kur i pashë këto pamje dhe nuk do të duhej të ndjehej askush mirë dhe sigurisht do të kërkojmë përgjegjësi, pse ka ndodhur kjo mungesë. Nëse (mungesa e sapunit) është nga spitali normalisht nuk është përgjegjësi e jona por gjithsesi do të kërkojmë llogari”, u shpreh ai.

Institucionet Shëndetësore në vend vazhdimisht bëjnë thirrje tek qytetarët që të mbajnë pastërti, mirëpo KALLXO.com në muajin gusht pati vizituar  edhe banjot e Klinikës Gjinekologjike aty ku trajtoheshin pacientët e infektuar me COVID-19, edhe aty është parë papastërti dhe mungesë e sapunit.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.