w 75 560x416 - Dy mërgimtarë ndërtojnë një fushë futbolli në Ferizaj

Diaspora shqiptare, si jo pak herë, ka qenë dhe është ndër shtyllat kryesore të ekonomisë në Kosovë. Ndihmat e tyre janë në forma dhe fusha e ndryshme, transmeton albinfo.ch.

Së fundmi, dy shqiptarë nga diaspora, me prejardhje nga fshati Prelez i Muhaxherëve në Ferizaj, kanë bërë vetë të ditur përmes një postimi në Facebook se kanë ndërtuar një fushë futbolli pikërisht në fshatin Prelez, duke i dhënë një pamje krejt tjetër këtij fshati.

Duhet theksuar se ky donacion është nga familja Rrahim Isuf Vranovci. Vlera e këtij stadium, sipas tyre, kap shumën e mbi 20 mijë eurove dhe emri i saj do të jetë “Daut Vranoci”.

Më poshtë ju sjellim postimin e plotë nga Kryesia e këtij fshati:

Të nderuar banorë të fshatit dhe komunës sonë,

Fshati Prelez i Muhaxherëve tashmë është në fazën finale të projektit Fusha e Futbollit që ka vlerën mbi 20 000 euro, donacion ky nga bashkatdhetarët tanë nga familja Rrahim Isuf Vranovci.

Për informimin tuaj, që nga iniciativa e parë për këtë projekt, Kryesia e fshatit Prelez kanë qenë e përfshirë në secilën fazë të projektit, përfshirë këtu edhe vendosjen rreth emërtimit të Fushës së Futbollit.

Pra në mbledhjen e Kryesisë të mbajtur më datën 18.12.2020. Kryesia e fshatit, në mënyrë unanime ka vendosur që kjo fushë të emërohet Daut Vranovci.

Daut Vranoci, i lindur më datë 21.02.1963 në Prelez të Muhaxherëve ka migruar në Zvicër gjatë vitete të 80-ta. Atje punoi dhe veproi deri në ditën ku u aksidentua në vendin e punës në Zvicër.

Dauti njihet për kontributet për fshatin e tij Prelez duke ndihmuar edhe me shkollime dhe ishte ndër personat më punëtor që kishte fshati ynë në atë kohë.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.