Në web faqen zyrtare të komunës së Ferizajt është publikuar raporti i Listës së Pronave Komunale i hartuar nga Komisioni për Verifikimin e Pronës Komunale, dokument ky që deri më tani nuk ka qenë i publikuar.
Sipas Raportit të Komisionit Komunal për Verifikimin e Pronës Komunale, Komuna e Ferizajt ka në pronësi të saj gjithsej 1763 prona me sipërfaqe të përgjithshme prej 9,353,323.00m2. Publikimi i kësaj liste i shërben transparencës komunale lidhur me pasurinë, gjegjësisht pronat komunale si dhe përmbushjen e zotimit të Kryetarit të Ferizajt, Agim Aliu dhënë para qytetarëve për publikimin e kësaj liste, gjatë kohës së fushatës zgjedhore në zgjedhjet lokale.
Kjo listë tashmë është e qasshme për publikun si dhe qytetarët dhe të gjithë të interesuarit mund ta gjejnë listën e plotë të publikuar në këto linqe:
https://kk.rks-gov.net/ferizaj/wp-content/uploads/sites/31/2018/04/Pjesa-e-I.pdf
https://kk.rks-gov.net/ferizaj/wp-content/uploads/sites/31/2018/04/Pjesa-II.pdf
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.