Komuna e Ferizajt nëpërmjet një urdhërese ka ndaluar vrasjen, keqtrajtimin dhe garat me kafshë, kjo për shkak të zbatimit të Ligjit për përkujdesjen e kafshëve dhe me qëllim eliminimin e fenomenit të vrasjeve, keqtrajtimit dhe organizimit të garave me kafshë.

Në urdhëresën e Komunës, midis të tjerash, thuhet se subjektet të cilat bien në kundërshtim me këtë urdhëresë do të ndëshkohen me gjobë nga 100 euro e deri në pesë mijë euro sipas nenit 17 të Ligjit për përkujdesje ndaj kafshëve, shkruan sot Koha Ditore.

“Ndalohet vrasja, keqtrajtimi, eksperimentimi i kafshëve pa licencë, operimi kirurgjik me qëllim të modifikimit të dukjes së kafshës, me të cilën largohet apo dëmtohet cilado pjesë e trupit, imponimi dhe shitja e kafshëve agresive, në të kundërtën me dispozitat e ligjit, transportimi i kafshëve pa certifikatë, tregtimi i kafshëve në kundërshtim me dispozitat ligjore, organizimi i garave në të cilat testohet fuqia apo shpejtësia e kafshës, me ç’rast kafsha mund të pësojë dhembje, lëndime, ngordhje, apo bën organizimin e tyre në kundërshtim me dispozitat ligjore dhe përdorimi i substancave për kafshë që marrin pjesë në gara në të cilat janë të përcaktuara me dispozitat ligjore”, thuhet në urdhëresë.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.