Komuna e Ferizajt ka nisur procedurat e rekrutimit për punësimin e gjashtë asistentëve nëpër shkolla fillore për mbështetje të fëmijëve me aftësi të kufizuara.

Ministria e Arsimit Shkencës e Teknologjisë e ka përkrahur këtë komunë në shkollat e së cilës ndjekin mësimet rreth 200 nxënës me aftësi të kufizuara. Vetëm në shkollën fillore “Gjon Serreçi” mësojnë 23 nxënës të tillë në një klasë të bashkangjitur.

Secili asistent do ta ketë të përfunduar programin “Pirson” në kuadër të qendrës së kompetencës. Afrim Llabjani, drejtor i Arsimit në Komunën e Ferizajt, ka thënë se pas dhjetëra kërkesave nga prindërit kanë nisur procedurat për rritjen e asistentëve për mbikëqyrjen e fëmijëve me aftësi të kufizuara nëpërmjet mbështetjes së MASHT-it.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.