Kosova e dyta në turneun tradicional “Turkey Open”
Karateistët e Kosovës kanë zënë vendin e dytë në garat e organizuara në Turqi në mesin e 48 shteteve pjesëmarrëse.
Karateistët e Kosovës kanë shkuar nën organizimin e Federatës të Karatesë së Kosovës dhe ky sukses vie pas suksesit të Kosovës në xhudo në garat mesdhetare në Spanjë.
Në turneun tradicional “Turkey Open”, për nga numri i medaljeve të fituara, e para ka dal Turqia, e dyta Kosova, ndërsa e treta Rusia.
Kosova ka fituar 4 medalje të arta, 7 të argjenda dhe 6 të bronzta.
Medalistët e Kosovës nesër në ora 8:20 do të arrin në Aeroportin Ndërkombëtar “Adem Jashari”.
