w 1 - Merret vendimi për ndeshjen e ndërprerë mes Ferizajt dhe Ulpianës

Është marrë vendimi për ndeshjen e ndërprerë mes Ferizajit dhe Ulpianës, ndeshje e cila ishte e vlefshme për xhiron e 23-të në kuadër të Grupit B të Ligës së Parë.

Komisioni i Garave për Superligë dhe Ligën e Parë, ka marrë vendim që ndeshja Ferizaj – Ulpiana të regjistrohet me rezultat zyrtar 3-0, në favor të Ulpianës.

Më poshtë mund të lexoni arsyetimin e këtij vendimi:

V E N D I M

1.Ndeshja e ndërprerë ndërmjet KF Ferizaj dhe KF Ulpiana, regjistrohet me rezultat zyrtar 3:0 në favor të KF Ulpiana.

A R S Y E T I M

Komisioni i Garave me rastin e regjistrimit të ndeshjes KF Ferizaj – KF Ulpiana, java e 23-të, Liga e parë, Grupi ”B”, pas administrimit të gjitha provave konstatoi se ndeshja është ndërprerë në minutën e 90+4, për shkak të sulmit fizik ndaj gjyqtarit kryesor të ndeshjes nga një person i paautorizuar (shikues), duke e paaftësuar për vazhdimin e ndeshjes, andaj konform nenit 58 të Rregullores së Garave, ndeshja regjistrohet me rezultat zyrtar 0:3 në favor të KF Ulpiana.

Burimi: Kallxo.com