sbashk 82011 560x367 - Mësimi mund të mos fillojë në shtator, kjo është arsyeja!

Pothuajse çdo shtator kërcënimi me grevë nga sektori i arsimit troket në dyert e institucioneve.

Kësaj radhe, kryetari i Sindikatës së Bashkuar të Arsimit, Rrahman Jasharaj, thotë se e kanë më seriozisht, raporton KTV.

Sipas tij, mësimi do të fillojë sipas kalendarit të Ministrisë së Arsimit, por nëse në ditët e para nuk ka vullnet për ndryshimin e Projektligjit për Pagat si dhe nëse nuk miratohet shpejt projektligji që ua njeh kontributin mësimdhënësve të viteve të 90’ta, greva do të jetë e pashmangshme.

Njohësit e çështjeve arsimore kanë deklaruar se SBASHK’u po e tepron me kërkesa, pasi pagë më të mirë mujore nuk marrin as mësimdhënësit në Shqipëri e Maqedoni.

Mirëpo, këtë e kundërshton kryetari i SBASHK’ut. Sipas tij, në Projektligjin e Pagave mësimdhënësit janë renditur shumë poshtë krahasuar me kualifikimin e lartë që ata e kanë.

Sipas tij, SBASHK’u çdo herë është munduar që me dialog të arrijë kërkesat e mësimdhënësve, por tash thotë të ketë ardhur fundi i pritjeve.

Ndaj pret që deputetët e Kuvendit t’i shtyjnë këto procese sa më shpejt.

Kuvendi i Kosovës është në pushim deri në gjysmë të muajit shtator. Marrë parasysh gjendjen aktuale politike, nuk dihet nëse Projektligji për Pagat ose ai për pagesën e viteve 90’të do të arrijë të hyjë në rend dite.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.