edferizaj - Në 24 orë arrestohet vetëm një qytetar nga Ferizaj për mosrespektim të masave për koronavirus

Policia e Kosovës bën të ditur se në 24 orët e fundit në nivel vendi janë arrestuar 41 persona për “mosveprim sipas dispozitave shëndetësore gjatë epidemisë”.

Në raportin 24 orësh të Policisë bëhet e ditur se vendi më i padisiplinuar ndaj masave të Qeverisë është Podujeva, në të cilën janë arrestuar nëntë persona.

Kurse pas saj janë Gjakova, me 6 të arrestuar, që pasohet nga Klina e Vushtrria me nga 4, transmeton KOHA.

Të arrestuarit janë nga këto qytete: Prishtinë – 3, Obiliq – 1, Podujevë – 9, Ferizaj – 1, Prizren – 1, Pejë – 3, Klinë – 4, Deqan – 1, Gjakovë – 6, Rahovec – 3, Vushtrri – 4, Mitrovicë Jugu – 1, Leposaviq – 2, Mitrovicë Veri – 1, Hani i Elezit – 1.

Qeveria e Kosovës ditë më parë ka ndryshuar orarin e kufizimit të qarkullimit të njerëzve dhe makinave. Me orarin e ri është e ndaluar qarkimi nga ora 17:00-06:00.

Kjo është njëra ndër masat e Qeverisë për luftimin e koronavirusit. Derisa në vazhdimësi bëhet thirrje që të qëndrohet sa më tepër në shtëpi dhe të shmangen daljet e panevojshme.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.