largea thika1359458596 780x4391 560x416 - Një i ri humb jetën, në një përleshje me thika në Ferizaj
Loading...

Një 26-vjeçar ka humbur jetën si pasojë e lëndimeve të marra nga therja me thikë, në një përleshje që ka ndodhur mbrëmë mes disa personave në një lokal në Ferizaj. Policia ka arrestuar të dyshuarin për kryerjen e veprës.

VIDEO

Vdekjen e të riut, me inicialet I.K. e ka konfirmuar Policia e Kosovës.

“Rreth orës 22:30, policia ka marrë informatën se në një kafiteri në rrugën ‘Dëshmorët e Kombit’ është një rrahje në mes të disa personave ku janë përdorur edhe mjete të ftohta-thika”, thuhet në njoftimin e Policisë.

“Në vendin e ngjarjes kanë dalë njësitet policore ,prokurori i shtetit si dhe ekipi mjekësor, të lënduarit janë dërguar në QKUK Prishtinë, ku nga ana e mjekut është konfirmuar se viktima e rastit(E.I. m/sh/k 26 vjeç) kishte ndërruar jetë ,ndërsa dy të dyshuarit janë pranuar për trajtim mjekësor”.

Polica thotë se në vendin e ngjarjes është gjetur dhe konfiskuar mjeti i mprehtë-thika me të cilën dyshohet se është kryer vepra.

“Me urdhër të prokurorit ndaj të dyshuarit (D.SH. m/sh/k 29 vjeç) për veprën penale ,,vrasje e rëndë’ është marrë masa e ndalimit policor për 48 orë, kurse i dyshuari tjetër( M.M. m/sh/k 22vjeç) i dyshuar për veprën penale ‘pjesëmarrje në rrahje’, gjithashtu është marrë masa e ndalimit policor për 48 orë”.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Hetuesit policorë në bashkëpunim me prokurorin e shtetit janë duke u marrë me rast.

Bëje LIKE dhe merr lajmin e fundit nga Ferizaj24:

Loading...



Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.