Kryetari i Ferizajt, i shoqëruar edhe nga drejtorë të drejtorive komunale, familjarë të dëshmorëve, përfaqësues të Shoqatës së Familjeve të Dëshmorëve, përfaqësues të Organizatës së Veteranëve të Luftës së UÇK-së në Ferizaj, bashkëluftëtarë dhe dhjetëra qytetarë, kanë bërë homazhe tek Varrezat e Dëshmorëve të Kombit të UÇK-së në Ferizaj, në përkujtim të rënies së dëshmorit Rexhep Demiri.

Me këtë rast, Kryetari i Ferizajt, Agim Aliu tha se përkujtimi për Dëshmorët e Kombit, është homazh për sakrificën e brezave për lirinë e Kosovës dhe se amaneti i tyre po jetësohet përmes forcimit të Republikës sonë dhe zhvillimit tonë të përgjithshëm shoqëror.

Kryetari i Shoqatës së Familjeve të Dëshmorëve, Gafurr Bytyçi tha se këto ditë përkujtimi për dëshmorët janë ditë krenarie dhe dhimbje, por se të gjithë duhet të jemi krenar për bijtë dhe bijat e Kosovës që dhanë jetën që sot të jetojmë të lirë, pa prangat e pushtuesit gjakatar serb.

Edhe babai i Dëshmorit të Kombit Rexhep Demiri, Shefki Demiri tha se ndihet krenar për jetën dhe veprën e të birit dhe se falënderon gjithë shokët, drejtuesit e institucioneve lokale e qendrore për prezencën e tyre sot në homazh, duke nderuar jo vetëm familjen por edhe gjakun e dëshmorëve që dhanë jetën për lirinë e vendit.

Në përmbyllje u vendosën kurora lulesh duke u përkulur para lapidarit të Dëshmorëve të Kombit të UÇK-së në Ferizaj./ekonomiaonline/

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.