789 560x347 - Policia japin detaje për vrasjen në Ferizaj


Në mbrëmjen e së premtes është vrarë B.Q 24 vjeçar.

Ai nuk mundi t’iu mbijetojë plagëve të marra nga një përleshje që ndodhi mes tij dhe disa personave tjerë në Ferizaj. Policia e Kosovës për Rajonin e Ferizajt kanë treguar se B.Q është lënduar me thikë në përsheshje e që kishte ndodhur mbrëmë rreth orës 20:10.

 

 

“Rreth orës 20:10, policia ka marrë informatën për një rast të përleshjes mes disa personave ku një person është i lënduar me mjet të ftohtë-thikë. Rasti ka ndodhur në Ferizaj në rrugën 12 Qershori në Ferizaj . Viktima nga disa qytetarë është dërguar në emergjencë ,ku rreth orës 21:30 minuta, nga mjeku kujdestar, jemi informuar se i njëjti nga ndërruar jetë”, thuhet në komunikatën për media.

Trupi i pajetë është dërguar në Institutin e Mjekësisë Ligjore.

“Në vendin e ngjarjes kanë dalë njësitet policore ,Prokurori dhe ekipi i mjekësisë ligjore. Viktima është B.Q. ( m/shtetas i Republikës së Kosovës i moshës 24 vjeçare) është nga rrethi i Ferizajt. Me urdhër të prokurorit, trupi i pajetë dërgohet për obduksion në IML Prishtinë”, njofton tutje nga policia.

Sipas hetimeve fillestare, thuhet se hetuesit policor kanë mbledhur informata rreth të dyshuarve të mundshëm ku dhe janë bastisur disa lokacione, mirëpo nuk janë gjetur dhe të njëjtit janë në kërkim policor deri në arrestimin e tyre.

Bëje LIKE dhe merr lajmin e fundit nga Ferizaj24:


Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.