Policia e Kosovës ka njoftuar se sot prej orës 08:00, kanë filluar punimet në projektin e zgjerimit të rrugës nacionale N2–segmenti, hyrja në qytetin e Ferizajt, në magjistralen Gërlicë –Ferizaj, konkretisht nga Fshati i Vjetër deri në fshatin Prelez.
Sipas Policisë, për shkak të këtyre punimeve, do të devijohet komunikacioni për qarkullim të automjeteve nga rruga ekzistuese në rrugë alternative, e cila do të monitorohet nga Policia e Kosovës, Drejtoria Rajonale –Ferizaj.
“Gjithashtu, devijimi dhe drejtimi i automjeteve do të shenjëzohet me të gjitha shenjat e komunikacionit dhe rregullat në fuqi”, thuhet në njoftim.