policia 2 780x439 1533649898 80819941 560x347 - Policia patrullon me vetura civile me qëllimin që t’i ndalë aksidentet

Policia e Kosovës ka thënë se tashmë ka filluar patrullimet edhe me vetura civile, me qëllim të ndaljes së aksidenteve në trafik.

Vetëm në dy javët e fundit kanë humbur jetën 7 persona si dhe janë regjistruar rreth 300 aksidente.

“Automjetet zyrtare-civile të Policisë, drejtohen nga zyrtarë policorë në uniformë zyrtare dhe të njëjtat janë të pajisura me sistem të dritave rotative, me alarm me zërimi dhe ndalimi i kundërvajtësve nga këta zyrtarë me automjete civile bëhet vetëm pas ndezjes së dritave rotative dhe alarmit me zërim, gjithnjë duke i pasur parasysh rregullat e sigurisë në trafikun rrugor”, thuhet në një komunikatë të Policisë.

Policia e Kosovës ka thënë se do të vazhdojë aplikimi i masës “zero tolerancë ndaj të gjithë kundërvajtësve”, në mënyrë që të arrihen rezultate sa më pozitive në uljen e aksidenteve në trafik.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.