auto 37282235 631635860548923 8713803488926105600 o15318248781 560x416 - Presidenti i FHK-së dhe KH Kastriotit, të pikëlluar me vdekjen e ikonës së hendbollit

Presidenti i Federatës së Hendbollit të Kosovës, Eugen Saraçini, është i pikëlluar me humbjen e një sportistit të madh siç është Sheqer Shllaku. Ish portieri i mirënjohur i hendbollit ka ndërruar jetë në moshën 80-vjeçare. “Ngushëllime të sinqerta familjes, hendbolldashësve të Ferizajt, artistëve figurativ, për humbjen e Sheqer Shllakut. Sheqeri, ka qenë njeri nga ata të cilët shkëlqyen gjatë viteve 60-70. Portieri i shkëlqyer që la mbresa tek gjeneratat e ardhme.

Përveç kësaj, ai ishte edhe artist, duke qenë kryetari i parë Shoqatës së artisteve figurativ në Ferizaj. Mbi të gjitha Sheqer Shllaku, ishte njeri i mirë, hendbollist e hendbolldashës dhe mik i shkëlqyer. Sheqeri në shume raste me ka dhënë kurajo për punën tonë të gjithmbarshme për zhvillimin e hendbollit në Kosovë. Ky ishte virtyti i tij, të ndihmoj dhe të zhvilloj. Ngushëllime”, shkruan Saraçini. Te KH Kastrioti janë të tronditur me vdekjen e Shllakut. “Sot hendbolli ferizajas dhe sporti në përgjithësi është në zi. Humbëm ikonën e angazhimit të pakursyer, profesorin e nderuar dhe sportistin e dalluar ferizajas, Sheqer Shllaku.

Nga tribuna nuk do të dëgjohet më zëri i tij në instruksionet ndaj lojtarëve dhe thirrja për fitore. Ferizaj humbi ikonën e hendbollit dhe qytetarin e zellshëm e punëtor. Ngushëllime familjarëve, miqve dhe dashamirëve të sportit! I përjetshëm qoftë kujtimi për të!”, shkruan Lulzim Abazi, kryetar i Klubit të Hendbollit “Kastrioti”.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.