Afrim Tovërlani1 560x416 - Tovërlani: E merituam barazimin, Prishtinës i uroj fat

Ferizaj ka arritur të bëjë një befasi të këndshme duke e ndaluar Prishtinën në kryeqytet me barazim pa gola 0-0.

Skuadra e rikthyer në Superligën e Kosovës ka luajtur një ndeshje defensive por që pati sukses në fund të takimit.

E për këtë barazim pa gola ka folur edhe trajneri i Ferizajt, Afrim Tovërlani.

Toki ka thënë se e vetmja mënyrë për ta ndalur Prishtinën ishte loja defensive e skuadrës së tij.

“Prishtina kundërshtar shumë i fortë dhe e vetmja mënyrë për t’u përballë me Prishtinën në këtë moment ka qenë kjo, të luajmë në mënyrë defensive dhe të linim iniciativën Prishtinës, sepse realisht janë shumë të fortë, i kanë dy ekipe që në çdo moment mund t’i hedhë në formacion në Superligën e Kosovës”.

40102374 2303687592981871 5215027442028118016 n1 - Tovërlani: E merituam barazimin, Prishtinës i uroj fat

“Besoj që luftuam, e merituam dhe po të kishim qenë pak më cinik në dy-tre raste në pjesën e dytë kishim arrit me i dënuar, mirëpo realisht Prishtina ka pasur më shumë lojë dhe jam i kënaqur me barazimin”.

“Prishtinës i uroj sukses, kurse neve na mbetët të luftojmë në këtë mënyrë, sepse ju e dini që e kemi nisur shumë vonë, duke qenë një muaj pas skuadrave tjera dhe duhet të tentojmë që në çdo ndeshje të marrim maksimumin”, ka deklaruar Tovërlani pas ndeshjes.

Në ndeshjen e ardhshme, Ferizaj do të jetë nikoqir i Gjilanit ndërsa Prishtina luan në udhëtim te Drita.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.