unnamed 39 11 560x400 - FASK me njoftim zyrtar për mos mbajtjen e garës në Ferizaj

Të dielën në Ferizaj është dashur të mbahet gara në disiplinën e auto sllallomit, e para për Kampionatin e sivjetmë të Kosovës në automobilizëm.

Megjithatë, diçka e tillë nuk ka ndodhur, ndërsa Federata e Auto Sportit e Kosovës ka bërë të ditur arsyen e mos mbajtjes së garës.

“Sipas kalendarit të miratuar të garave për Kampionatin e Kosovës në automobilizëm për vitin 2021, të dielën, në Ferizaj, është dashur të mbahet gara në disiplinën e auto sllallomit. Megjithatë, diçka e tillë nuk ka ndodhur, për shkak se zyrtarët kompetentë për organizimin e garave të FASK-ut, përfshirë Drejtorin e Garës dhe Komisionin Sportiv kanë vlerësuar se nga klubi organizator (AK Ferizaj) kriteri i sigurisë nuk është në nivelin e duhur. Përkundër përpjekjeve dhe angazhimit të klubit organizator, nuk është arritur të sigurohen rrethojat e metalit për gjatë shtegut, pa të cilat siguria nuk ishte në nivelin e duhur”, thuhet në njoftimin e FASK-ut, në të cilin më pas është shtuar: “Gjatë javës, do të mbajmë një takim urgjent me përfaqësues të klubeve dhe zyrtarë të Federatës, në mënyrë që gjëra të tilla të mos përsëriten në të ardhmen”.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.