Ministri i Shëndetësisë, Armend Zemaj ka qëndruar sot në Ferizaj. Ai bashkë me kryetarin e komunës së Ferizaj, Agim Aliu kanë vizituar banorët e fshatit Dubravë të kësaj komune ku edhe kanë diskutuar për masat mbrojtëse ndaj COVID-19.
Banorëve të Dubravës iu janë dhuruar 11 mijë maska.
“Në fshatin Dubravë të Ferizajt, të banuar kryesisht nga komuniteti ashkali, bashkë me kryetarin, z. Agim Aliu dhe deputetët e Kuvendit të Kosovës, diskutuam për masat mbrojtëse ndaj Covid 19 si dhe dhuruam 11 mijë maska”, ka shkruar Zemaj.
Gjatë ditës së sotme Zemaj ka takuar vizituar edhe Qendrën Sociale-Edukative “Caritas Kosova” në Dubravë.
“Gjithashtu, vizituam edhe Qendrës Social-Edukative “Caritas Kosova” në Dubravë, me ç’rast ofruam edhe mbështetjen e nevojshme të Ministrisë së Shëndetësisë për menaxhimin sa më të mirë të pandemisë. Mbrojtja e shëndetin publik për të gjithë qytetarët, duke garantuar qasje të barabartë në shërbime shëndetësore, është ndër parimet themelore të shëndetësisë tonë”, ka shkruar tutje Zemaj.
Tutje, Zemaj ka falënderuar mjekët dhe punonjësit shëndetësorë për punën në këtë kohë të pandemisë, duke i siguruar ata për përkushtimin tonë për shtimin e resurseve humane dhe infrastrukturore.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.