Drejtoria Rajonale e Policisë në Ferizaj, ka zhvilluar një aksion të përbashkët me Inspektoratin Shëndetësor në Ferizaj, pas informacioneve se në disa laboratorë mikrobiologjik në Ferizaj janë duke u lëshuar teste PCR SARS COV-19 në mënyrë të falsifikuar dhe kundërligjorë.
Gjatë këtij operacioni, me autorizim të Prokurorisë Themelore në Ferizaj janë kontrolluar dhe legjitimuar 4 lokacione të laboratorëve në Ferizaj, dhe në njërin prej tyre ka rezultuar se përveç disa shkeljeve që është konstatuar, Inspektorati Shëndetësor ka vërtetuar se një nga testet PCR SARS COV-19 që është lëshuar, ka rezultuar të jetë i falsifikuar dhe ky laborator është mbyllur për kohë të pacaktuar .
